iOS 13 မှာပါဝင်လာတဲ့ Battery Optimization အကြောင်း

iPhone Battery က Lithium Battery တွေဆိုတာ့ သက်တမ်းတိုစေတဲ့ အချက်တွေက Battery ကုန်အောင် ခဏ၂ သုံးပြီး ခဏ ၂ အားပြန်သွင်းတာ၊ အားပြည့်တာကို အားအကြာကြီး ဆက်သွင်းထားတာတွေက အဓိက အချက်ဖြစ်ပါတယ်။

(Battery Cycle Count တက်အောင်သုံးတာနဲ့တူပါတယ်)

အားပြည့်နေလျက်နဲ့ plug မဖြုတ်မိဘဲ ဆက်သွင်းမိတာ၊ အပူဓါတ်လွန်ကဲ့တာတွေဖြစ်ပါတယ်။

ဖုန်းတစ်လုံး စွမ်းဆောင်ရည်က CPU ဖြစ်ပေမဲ့ CPU ကို အားပေးတာ Battery ဖြစ်လို့ ဖုန်းရဲ့ စွမ်းဆောင်ရည်ကို သွယ်ဝိုက်ပြီး Battery က ထောက်ပံပေးပါတယ်။

Apple က Battery Health မှာ (Maximum Capacity) စွမ်းဆောင်ရည် 80%အောက်ရောက်ရင် အသစ်လဲသင့်တယ် လို့ ဆိုထားပါတယ်။ ဒါကြောင့် iPhone အသစ်တွေမှာ Maximum Capacity 100% ဖြစ်နေရမှဖြစ်ပါတယ် ?

iOS 13 မှာတော့ Over Charge မဖြစ်အောင် Battery ကို 80% ရောက်တာနဲ့ အားဖြည့်တာကို ခဏရပ်လိုက်မှဖြစ်ပါတယ်။ (80% နဲ့ 100% ကြားကို အားဖြည့်တာ ရပ်လိုက်တာဖြစ်ပါတယ်။ )

Default မှာတော့ Optimized Battery Charging က iPhone မှာ ဖွင့်ထားပေးပြီးဖြစ်ပါတယ်။ နေရာကတော့

**Optimized Battery Charging ကို On ထားစဉ်**

Settings > Battery > Battery Health > Optimized Battery Charging မှာဖြစ်ပါတယ်။ ဖွင့်ထားမယ်ဆိုရင်တော့ 0% နဲ့ 80% ကြားကို ပုံမှန် အတိုင်းသွင်းသွားမှာဖြစ်ပါတယ်။

Optimized Battery Charging လုပ်ထားသောကြောင့် ပုံမှန်သုံးလေ့ရှိသော အချိန်ရောက်မှ 100% ထိသွင်းပြီး 80% မှာ အားသွင်းတာကို Hold လုပ်ထားသော Battery အားသွင်းမှု Level ပြ Graph ပုံ

အိပ်ပျော်သွားလို့ တစ်ညလုံး အားသွင်းမယ်ဆိုရင်လဲ 80% ရောက်တာနဲ့ ရပ်သွားမှာဖြစ်ပါတယ်။ မိမိ အိပ်ရာထပြီး အလုပ်သွားချိန်/ ရုံးသွားချိန်ရောက်ခါနီးမှာမှ 100% ကို ပြည့်အောင်သွင်းပေးမှာဖြစ်ပါတယ်။ ဒီလိုလုပ်နိုင်ဖို့ iPhone က အခု အသုံးပြုသူနဲ့ သဘာဝကို မှတ်သားလေ့လာပါတယ်။ (Machine Learning လုပ်ပါတယ်) ဖုန်းဝယ်ဝယ်ချင်း Optimized Battery Charging က အသက်မဝင်သေးပါဘူး ။ (Active မဖြစ်လာသေးပါဘူး) ဒါပေမဲ့ 80% မှာ အားသွင်းတာကို ရပ်တာကို တော့ စလုပ်ပါပြီ။ အဲ့ဒါကြောင့် တစ်ချို့ နားမလည်သူများက 80% ရောက်လို့ တော်တော်နဲ့ အားမဝင်တာကို Factory Fault ဆိုပြီး နားလည်မှု လွဲတတ်ကြ ပါတယ် ?၊ ၁၀၀%ထိ အားပြည့်ချင်ရင်တော့ Optimized Battery Charging ကို ပိတ်လိုက်ပါ)၊ တကယ်က ၁၀၀% ထိမသွင်းလေကောင်းလေ။?

Optimized Battery Charging အသက်ဝင်ပြီဆိုတာနဲ့ Notification screen မှာ အောက်ပါပုံအတိုင်း ပြပေးပါတယ်။

ဘယ်အချိန်မှာ အားကို အပြည့်ဖြည့်မယ်ဆိုတာပြပေးပါတယ်။ ( ကိုယ်က အတိုင်းအတာတစ်ခုထိလဲ အခု iPhone ကို သုံးပြီးပြီ၊ Machine Learning ကလဲ လုပ်နေတာပြီးပြီဆိုရင်ပေါ့)

ပြတဲ့ အချိန်မတိုင်ခင် အားအပြည့်ဖြည်ချင်တယ်ဆိုရင်တော့ ဖုန်း screen ကို Unlock လုပ်ပြီး Notification message ကို ဖိပြီး Charge Now ကို နှိပ်ပေးပါ။

ဒါဆိုရင်တော့ 100% ထိအားဖြည့်ပေးသွားမှာဖြစ်ပါတယ်။

Optimized Battery Charging Active ဖြစ်နေသော iPhone တွင် 10AM မှာ အားအပြည့်ဖြည့်မယ်ဆို ပြနေစဉ်

Optimized Battery Charging အလုပ်မလုပ်ဘူးဆိုရင်လုပ်ဆောင်ရန်

Optimized Battery Charging က ဖုန်းရဲ့ Location Service ကို အခြေခံပြီးလုပ်ဆောင်ပေးတာပါ။

iPhone ကိုင်သူ အချိန်အများစုမှာ ရှိနေမဲ့ နေရာ (ဥပမာ အိမ်၊ အလုပ်) တွေကို အခြေခံပြီး လုပ်ဆောင်ပေးတာပါ။

ခရီးသွားပြီဆိုရင် အခု features က ရုတ်တရက် အလုပ်မလုပ်ဘူးဆိုရင်အောက်ဖော်ပြပါ နေရာက Location Setting များကို Enable ပြလုပ်ပေးထားပါ။

အားလုံးပဲ iPhone Battery များကို သက်တမ်းရှည်ရှည် အသုံးပြုနိုင်ကြပါစေခဗျာ။

Settings > Privacy > Location Services > Location Services.
Settings > Privacy > Location Services > System Services > System Customization.
Settings > Privacy > Location Services > System Services > Significant Locations > Significant Locations.